თბილისის ბავშვთა და მოზარდთა მზრუნველობის სააგენტო არის კერძო სამართლის არასამეწარმეო (არაკომერციული) იურიდიული პირი, რომელიც დაფუძნებულია ქალაქ თბილისის მუნიციპალიტეტის მერიის მიერ.
სააგენტოს ხელმძღვანელობასა და წარმომადგენლობას ახორციელებს სააგენტოს დირექტორი - თენგიზ ფოფხაძე.
სააგენტოს მიზანია თბილისის მუნიციპალიტეტში ბავშვთა და მოზარდთა კეთილდღეობის ხელშეწყობა, მათი უფლებებისა და თავისუფლებების დაცვა, ასევე ბავშვებისა და ოჯახების მხარდაჭერისკენ მიმართული სოციალური მომსახურებების მიწოდება და შესაბამისი პროგრამების განხორციელება.
სააგენტოს საქმიანობას უზრუნველყოფს მულტიდისციპლინური გუნდი, რომელიც აერთიანებს უფროს სოციალურ მუშაკებს, სოციალურ მუშაკებს, ბავშვის ფსიქოლოგებსა და იურისტებს. გუნდი კოორდინირებულად მუშაობს ბავშვთა საუკეთესო ინტერესების დაცვისა და ოჯახების მხარდაჭერის უზრუნველსაყოფად.
- სააგენტოს საქმიანობის ძირითადი მიმართულებები
- ბავშვის კეთილდღეობის უზრუნველყოფის ხელშეწყობა;
- ბავშვის უფლებათა კონვენციის, მისი დამატებითი ოქმებისა და სახელმწიფოს მიერ აღიარებული სხვა საერთაშორისო სამართლებრივი აქტების ეფექტიანი იმპლემენტაციის ხელშეწყობა;
- ბავშვის დაცვის ეროვნული სისტემისა და ბავშვის მხარდაჭერის ეროვნული სისტემის ფუნქციონირებაში მონაწილეობა;
- „სოციალური მუშაობის შესახებ“ საქართველოს კანონის 56-ე მუხლით დადგენილი სოციალური მუშაობის სფეროში მუნიციპალიტეტის დელეგირებულ უფლებამოსილებების განხორციელების ხელშეწყობა.
- სააგენტოს ძირითადი ფუნქციები
- ბავშვის უფლებების დაცვის მუნიციპალური პროგრამების შემუშავებაში მონაწილეობის მიღება, მათი განხორციელების კოორდინაცია, განხორციელების პროცესის მონიტორინგი და შეფასება;
- მუნიციპალიტეტის ტერიტორიაზე ბავშვის დაცვისა და მხარდაჭერის განმახორციელებელი სოციალური მუშაკების ქსელის შექმნა და მათი სამოქმედო უბნების განსაზღვრა;
- ბავშვის დაცვისა და მხარდაჭერის სახელმწიფო პროგრამების განსახორციელებლად შესაბამის დაწესებულებებთან კოორდინირებული მუშაობა;
- არასამთავრობო და საერთაშორისო ორგანიზაციების მიერ ბავშვის უფლებების დაცვისა და მხარდაჭერის პროგრამების განხორციელების კოორდინაცია;
- სახელმწიფო დაწესებულებებთან, არასამთავრობო და საერთაშორისო ორგანიზაციებთან, იურიდიულ და ფიზიკურ პირებთან ურთიერთობა, როგორც ქვეყანაში, ისე მისი ფარგლების გარეთ;
- კომპეტენციის ფარგლებში, მავნე ჩვევებისა და ნივთიერებების ზეგავლენისაგან ბავშვის დაცვის მიზნით პრევენციული ღონისძიებების განხორციელება და შესაბამის სამართალდარღვევაზე რეაგირების ღონისძიებების განხორციელება;
- მუნიციპალიტეტის ტერიტორიაზე სოციალური მუშაობის ჩატარება, კოორდინირებისა და ადმინისტრირების უზრუნველყოფა, რაც გულისხმობს: სოციალური საფრთხის წინაშე მყოფი პირების აქტიურ იდენტიფიცირებას, მათი საჭიროებების განსაზღვრასა და შეფასებას, პრობლემის იდენტიფიცირებას და შესაბამისი დარგობრივი დაწესებულებისთვის ინფორმაციის მიწოდებას;
- ოჯახში ძალადობის ფაქტის იდენტიფიცირების შემთხვევაში მასზე შესაბამისი რეაგირება;
- ბენეფიციარებისათვის შესაბამისი სოციალური, სამედიცინო, შეღავათიანი მომსახურებების თაობაზე ინფორმაციის მიწოდება და მათში ჩართვის ხელშეწყობა;
- მიზნობრივი ჯგუფებისა და მათი ოჯახებისთვის შესაბამისი აუცილებელი ინფორმაციის მიწოდება და კონსულტაციის გაწევა;
- ადრეული და სკოლამდელი აღზრდის დაწესებულებებში სოციალური მუშაობის ჩატარება;
- საქართველოს ორგანული კანონით „ადგილობრივი თვითმმართველობის კოდექსი“ დადგენილი დელეგირებული უფლებამოსილებების ფარგლებში სოციალური მუშაობის ჩატარება.
- საკონტაქტო
საკონტაქტო ინფორმაცია
მისამართი: თბილისი, შარტავას 7
ტელეფონი: 272 22 22
ელ-ფოსტა: info@tbchildcare.ge