თბილისის მერია აცხადებს ფოტო-კონკურსს “ახალი წელი თბილისში”. კონკურსის მიზანია სოციალური ქსელის მომხმარებლებმა გადაიღონ თემატურად ახალ წელთან დაკავშირებული ფოტოები და განათავსონ სოციალურ ქსელში ჰეშთეგით #ახალიწელითბილისში. ჟიური, რომელიც დაკომპლექტებული იქნება ცნობილი ფოტოგრაფებით ( გურამ წიბახაშვილი, მარი ნაკანი, ბესო გულაშვილი), გამოავლენს სამ საუკეთესო ნამუშევარს. პირველი ადგილის მფლობელს გადაეცემა - 1500 ლარი, მეორე ადგილზე გასულს - 1000 ლარი, ხოლო მესამე ადგილზე გასულს - 500 ლარი.
კონკურსი 25 დეკემბერს დაიწყება და საკონკურსო ნამუშევრების მიღება 7 იანვარს დასრულდება. გამარჯვებული 14 იანვარს გამოვლინდება. დაჯილდოების ცერემონია გაიმართება თბილისის ისტორიულ მუზეუმ ქარვასლაში, სადაც გამოიფინება როგორც გამარჯვებული, ასევე სხვა საკონკურსო ნამუშევრები.
კონკურსის წესები :
- მომხმარებელმა ფოტო უნდა ატვირთოს საკუთარ გვერდზე ჰეშთეგით #ახალიწელითბილისში
- ატვირთული ფოტო უნდა იყოს საჯარო ( Public )
- ერთ კონკურსანტს შეუძლია მხოლოდ ერთი ფოტოს წარმოდგენა
- კონკურსანტები ადასტურებენ, რომ მათ მიერ წარდგენილი მასალა არის საკუთარი ნამუშევარი. არ არღვევენ ნებისმიერი სხვა პირის ან ერთეულის ინტელექტუალური საკუთრების უფლებას
- ფოტო გადაღებული უნდა იყოს თბილისში და თემატურად უკავშირდებოდეს ახალ წელს
- კონკურსში მონაწილეობა ეკრძალებათ თბილისის მერიისა და მასზე დაქვემდებარებული სტრუქტურების თანამშრომლებს
გისურვებთ წარმატებებს !
-
ქალაქ თბილისში, მერაბ კოსტავასა და ტყვარჩელის ქუჩებს შორის არსებულ სკვერში (ს/კ: 01.10.13.040.122) აკაკი ჩხენკელის არქიტექტურულ-მხატვრული კომპოზიციის (ბიუსტი) განსათავსებლად ესკიზისა და ხარჯთაღრიცხვის დოკუმენტაციის საუკეთესო წინადადების შესარჩევი საკონკურსო პირობები
-
ქალაქ თბილისის მუნიციპალიტეტის სახელმწიფო მნიშვნელობის სიმბოლოების (გერბი და დროშა) ნიმუშების შერჩევის მიზნით, ქალაქ თბილისის მუნიციპალიტეტის მერია აცხადებს კონკურსს.
-
კონკურსი ქალაქის მმართველობის სფეროში შემავალი პროფესიული თეატრის სამხატვრო ხელმძღვანელის კანდიდატის შესარჩევად