დაწესებულების საქმიანობის ამჟამინდელი მიმართულებებია: ცურვა, წყალბურთი, ჭიდაობა, ფიტნესი, მხატვრული ტანვარჯიში, რაგბი, აკვა-აერობიკა, თერმული აბაზანები. პროფილური სახეობების ზრდის ტენდენცია (კრივი, აღმოსავლური ორთაბრძოლები), გაგრძელდება მომავალშიც - ცენტრის სტრუქტურული ერთეულის მშენებარე ობიექტის, თემქის სპორტული კომპლექსის დასრულების შესაბამისად. ცენტრი აქტიურადაა ჩართული ქალაქ თბილისის მერიის სოციალურ პროგრამაში და ემსახურება სოციალურად დაუცველი პირის სტატუსის მქონე ოჯახების მოზარდებს.

მისამართი: გლდანი, V მ/რ კორპ. 8-ის მიმდებარედ.

Facebook

ცენტრის სტრუქტურული ერთეულებია:

  • ქალაქ თბილისში, სოფ. გლდანში კულა გლდანელის სახელობის ჭიდაობის დარბაზი;  

შენობა, თავისი ფორმითა და კონსტრუქციით, ძველი სტილის ნაგებობას წარმოადგენს, სადაც ადრე სახელგანთქმული ფალავნის - კულა გლდანელის სახელობის სახალხო შეჯიბრებები იმართებოდა ქართულ ჭიდაობაში, ხოლო შემდგომ - ათწლეულების განმავლობაში შენობა მიტოვებული და უფუნქციო იყო. თბილისის მერიის ინიციატივით, ობიექტის სრული რეაბილიტაცია განხორციელდა და სპორტული პროფილი შეუნარჩუნდა. ცენტრში ჭიდაობასა და ძიუდოში ვარჯიშები მიმდინარეობს. ყოველთვიურად დარბაზი 100-ზე მეტ ბენეფიციარს ემსახურება.

მისამართი: ქ.თბილისი; სოფ.გლდანი

     ტელ: 224 03 04 (+101),   224 03 04 (+102),   (568) 23 87 78

  • ქალაქ თბილისში, მუხიანის IVმ/რ-სა და მუხიანის საცხოვრებელი რაიონის მიმდებარედ არსებული სარაგბო მოედნები შენობა-ნაგებობებით (მუხიანის სარაგბო კომპლექსი);

მუხიანის დასახლების მე-4 მ/რ-ში 2017 წლის 27 მაისს გაიხსნა საერთაშორისო სტანდარტების 3 სარაგბო მოედანი (1 ბუნებრივი და 2 ხელოვნურსაფარიანი). კომპლექსი მოიცავს სავარჯიშო დარბაზს, 1 000 გულშემატკივარზე გათვლილ ტრიბუნას, საკუთარი პარკინგის ზონას. კომპლექსის ტერიტორიაზე ქვიშის მოედანია მოწყობილი.

მისამართი: ქ.თბილისი; მუხიანის IVმ/რ-ნი.

   ტელ: 224 03 04 (+101),   224 03 04 (+102),   (568) 23 87 78

  •  ქალაქ თბილისში, თემქის XI მ/რ, II კვარტალში მშენებარე ობიექტი (ნაძალადევის კომპლექსი).

მიმდინარეობს ა(ა)იპ ,,გლდანი-ნაძალადევის კომპლექსური სპორტული ცენტრის” ნაძალადევის კომპლექსის, საცურაო აუზისა და სპორტული დარბაზის სამშენებლო-სარეაბილიტაციო სამუშაოები. სპორტულ ბაზაზე მოეწყობა ჭიდაობის დარბაზი, კრივის რინგი და ორი საცურაო აუზი (დიდი - 25 მ. პატარა - 15 მ). ასევე, სპორტსმენებისთვის ფიტნეს-დარბაზი, გასახდელები და კაფე მოეწყობა. სრული დატვირთვის შემდეგ, ცენტრი 1 000-ზე მეტ ბენეფიციარს მოემსახურება. სამუშაოები 2018 წლის მაისში დასრულდება. ამ დრომდე ნაძალადევის  რაიონში მსგავსი ფუნქციური სპორტული კომპლექსი არ არსებობს.

მისამართი: ქ. თბილისი; ზღვისუბანი (ყოფ. თემქის XI მ/რ-ნი; II კვარტალი).

     ტელ: 224 03 04 (+101),   224 03 04 (+102),   (568) 23 87 78