ფრანკფურტის წიგნის ბაზრობაზე, საქართველოს პავილიონში „მაგნუმ ფოტოს“ ფოტოგრაფის, მარტინ პარის City Book Tbilisi-ის პრეზენტაცია გაიმართა.
მარტინ პარის ნამუშევარი თბილისის მერის მოადგილე სოფიო ხუნწარიამ, Magnum Photos პრეზიდენტთან, პროექტის ხელმძღვანელთან და მწერალ აკა მორჩილაძესთან ერთად წარადგინა.
City book Tbilisi ფოტოგრაფის მიერ თბილისში 2018 წელს გადაღებული ფოტოებით შეიქმნა და ერთ-ერთ ცნობილ გერმანულ გამომცემლობასთან, Prestel Publishing-თან თანამშრომლობით მიუნხენში გამოიცა. ალბომის ტექსტის ავტორი აკა მორჩილაძეა.
პროექტი თბილისის მერიის მხარდაჭერით განხორციელდა და მისი მხარდამჭერები არიან Magnum Photos, „თიბისი ბანკი“, საქართველოს განათლების, მეცნიერების, კულტურისა და სპორტის სამინისტრო, „ქართული წიგნის ეროვნული ცენტრი“, საქართველოს ტურიზმის ეროვნული ადმინისტრაცია, საქართველოს წიგნის გამომცემელთა და გამავრცელებელთა ასოციაცია და „საქართველოს ავიახაზები“.
-
საცხოვრებელთან უფასო პარკირებისთვის მეპატრონის მიერ სისტემაში ავტომანქანის ნომრის მითითება იქნება აუცილებელი
-
თბილისის მერიაში მთავრობის მორიგი სხდომა გაიმართა
-
თბილისის მერი საქართველოში შვედეთის ელჩს შეხვდა
